У магілёве судзяць Артура Фінькевіча




НазваУ магілёве судзяць Артура Фінькевіча
Дата канвертавання24.11.2012
Памер24.46 Kb.
ТыпДокументы
У Магілёве судзяць Артура Фінькевіча


Сёньня ў Кастрычніцкім судзе Магілёва пачалі разглядаць крымінальную справу палітвязьня, актывіста “Маладога фронту” Артура Фінькевіча. Яго абвінавачваюць ў парушэньні рэжыму адбыцьця пакараньня. Пракурор папрасіў асудзіць Артура Фінькевіча на 2 гады зьняволеньня. З Магілёву перадае Алесь Беларучын, які назіраў за працэсам


==========================


Перад паседжаньнем судовую залю спрабавалі запоўніць студэнтамі — міліцыянты называлі іх практыкантамі. Аднак праціснуцца ў залю ім не далі паплечнікі Артура Фінькевіча.


Падтрымаць палітвязьня прыйшлі больш за пяцьдзясят чалавек. Сярод іх прадстаўнік амэрыканскай амбасады Луіс Крышак, а таксама палітыкі Аляксандар Мілінкевіч, Вячаслаў Сіўчык, Павал Севярынец, Аляксей Шэйн. Прыехаў і бацька Зьмітра Дашкевіча Валянцін. У судзе была і маці Артура.


Да 18 гадзінаў суд пад старшынствам судзьдзі Натальлі Крашкінай заслухаў дзяржаўнага абвінаваўцу, Артура Фінькевіча ды больш за дзесяць сьведак.


Дзяржаўны абвінаваўца заявіла ў судзе, што Артур Фінькевіч за час свайго зьняволеньня ня стаў на шлях выпраўленьня. Яна спасылалася на неаднаразовыя парушэньні Фінькевічам парадку знаходжаньня ў спэцкамэндатуры і вынесеныя за гэта спагнаньні.


Паводле дзяржаўнай абвінаваўцы, Артуру Фінькевічу вынесьлі чатыры вымовы і два афіцыйныя папярэджаньні. 22 кастрычніка на яго завялі крымінальную справу.


Артур Фінькевіч часткова прызнаў факты абвінавачваньня, аднак зазначыў: усе парушэньні ён зрабіў з паважных прычынаў.


Фінькевіч заявіў, што справа, якую разглядае суд, палітычна матываваная. За час зьняволеньня на яго чынілі беспрэцэдэнтны ціск. Адміністрацыю спэцкамэндатуры раздражнялі рэгулярныя наведваньні беларускіх палітыкаў ды прадстаўнікоў замежных амбасадаў. Пра перасьлед з боку адміністрацыі ён паведамляў у незалежныя сродкі масавай інфармацыі.


“За час зьняволеньня ў мяне пагоршылася здароўе. У дзень, калі мяне зьвінавацілі ў алькагольным ап’яненьні, а потым завялі крымінальную справу, я выпіў шмат настойкі глогу і мэдычны прэпарат “Новапасіт”, — казаў на судзе Артур Фінькевіч.


На пачатку суду Артур Фінькевіч выказаў просьбу адкласьці разгляд справы, бо ён сябе кепска адчувае — баліць сэрца і высокі ціск. У суд выклікалі хуткую дапамогу. Цягам гадзіны мэдыкі вырашалі, ці можна яму ўдзельнічаць у працэсе. Паводле судзьдзі, мэдыкі далі дазвол на працяг суду.


Сьведкі абвінавачваньня, супрацоўнікі спэцкамэндатуры, ў сваіх паказаньнях адмаўлялі факты прадузятага стаўленьня да Артура Фінькевіча. Яны казалі, што стаўленьне да яго было як да ўсіх зьняволеных.


Сваё меркаваньне пра суд над Фінькевічам выказаў Луіс Крышак:


“Гэта вельмі шкада, што ў 21 стагодзьдзі яшчэ існуе такая сацыяльная катэгорыя, як палітзьняволеныя. Гэты працэс, мне здаецца, — крок да замацаваньня гэтага статусу, і гэта крок назад”.


Знадворку ў судовую залю даносіліся воклічы “Жыве Беларусь”, “Свабоду Фінькевічу”. Сярод тых, хто не патрапіў у залю і падтрымліваў Фінькевіча звонку, быў і Павал Севярынец:


“Працэс — чарговая спроба запалохаць беларускую моладзь. Паказаць, што так будзе з кожным, хто будзе пісаць на платах “Мы хочам новага прэзыдэнта”, “Жыве Беларусь” і “Малады Фронт”. Але беларускую моладзь не зламаць, спыніць яе ня ўдасца”, — сказаў Свабодзе Павал Севярынец


Да суду Артур Фінькевіч знаходзіўся ў сьледчай турме № 4 Магілёва.

Дадаць дакумент у свой блог ці на сайт

Падобныя:

У магілёве судзяць Артура Фінькевіча iconСёньня на паседжаньні Камітэту ў вызваленьні актывіста незарэгістраванай арганізацыі "Малады фронт" Артура Фінькевіча зацьвердзілі плян стратэгіі І тактыкі
Дата суду пакуль не прызначаная. Артура Фінькевіча будуць судзіць у судзе Кастрычніцкага раёну Магілёва. Яго абвінавачваюць у тым,...

У магілёве судзяць Артура Фінькевіча iconФотагалерэя
Сёньня Кастрычніцкі суд Магілёва пакараў палітычнага вязьня, актывіста “Маладога фронту” Артура Фінькевіча адным годам І шасьцю месяцамі...

У магілёве судзяць Артура Фінькевіча iconНагадвае пра суд над моладзевым Іванам Шылам, які пачнецца ў Салігорску 4 верасьня. Школьніка судзяць па крымінальным артыкуле за ўдзел у незарэгістраванай
Блогер salihorsk нагадвае пра суд над моладзевым Іванам Шылам, які пачнецца ў Салігорску 4 верасьня. Школьніка судзяць па крымінальным...

У магілёве судзяць Артура Фінькевіча iconНачныя досьледы: Ці судзяць за выкарыстаньне пірацкіх праграмаў у Беларусі?
Паводле аналітыкаў юрыдычнай фірмы “Апіцэс Юрэс”, да 90% кампутарных праграм, якія выкарыстоўваюцца ў Беларусі, зьяўляюцца кантрафактнымі....

У магілёве судзяць Артура Фінькевіча iconТацяна Барысік нарадзілася 18 жніўня 1977 году ў Магілёве
...

У магілёве судзяць Артура Фінькевіча iconЦі гатовы І вы пусьціць свой джып на мэталялом?
Перадапошні сёлета этап джып-трыялу ў гэтыя выходныя прайшоў у Магілёве. Пра экстрэмальнае захапленьне нябедных беларусаў – Ігар...

У магілёве судзяць Артура Фінькевіча iconВыпуск 7 (475) ( 24 лютага 2011 г.) Рэдактар выпуску: Кася Крот
Сёння у гарадзенскай галерэі «Крыга» адбудзецца прэзентацыя найноўшай кнігі Артура Клінава «Шалом»

У магілёве судзяць Артура Фінькевіча iconВыпуск 7 (475) ( 24 лютага 2011 г.) Рэдактар выпуску: Кася Крот
Сёння у гарадзенскай галерэі «Крыга» адбудзецца прэзентацыя найноўшай кнігі Артура Клінава «Шалом»

У магілёве судзяць Артура Фінькевіча iconШотландия 29 апреля – 03 мая 2012 (5 дней / 4 ночи) Программа
...

У магілёве судзяць Артура Фінькевіча iconОписание и стоимость индивидуальных экскурсии
Артура, первое в мире казино-город Мираж и многое другое. Вы пройдете по главной улице старого города, перекрытой огромным телевизионным...

Размесціце кнопку на сваім сайце:
be.convdocs.org


База данных защищена авторским правом ©be.convdocs.org 2012
звярнуцца да адміністрацыі
be.convdocs.org
Галоўная старонка