Мікола Селяшчук таямнічы І загадкавы
Спампаваць 25.53 Kb.
|
| dash1011NS Мікола Селяшчук – таямнічы і загадкавы Сёньня ў Менску адкрылася выстава, прысьвечаная 60-годзьдзю вядомага мастака Міколы Селяшчука. На ёй пабываў наш карэспандэнт Алесь Дашчынскі. Мікола Селяшчук НЕ ўбачыў сваю першую і адзіную пэрсанальную выставу ў Нацыянальным мастацкім музэі. Не надрукаваў ніводнага каталёга. Таму і ўзьнікла ідэя зрабіць выставу, прысьвечаную яго 60-годздзью. Экспазыцыя займае ўвесь другі паверх музэя. Пра яе ўнікальнасьць кажа мастак Уладзімер Савіч, які сябраваў з Міколам Селяшчуком чвэрць стагодзьдзя: “Сёньняшняя выстава – гэта проста ўнікальнейшая выстава. Я думаю, што такой выставы больш ня будзе. Таму што тут вельмі многа твораў з прыватных калекцый. А чалавек, які мае творы ня надта хоча даваць недзе на выставу. Нехта ня хоча, каб ведалі, што ў яго ёсьць твор Селяшчука. Нехта баіцца і за якасьць, і за захаванасьць. Тут многія нават баяліся, каб не прапала нешта. Але гэта выстава ўнікальная, амаль што ўсе, каго мы папрасілі, усе далі”. Сярод наведнікаў выставы й адзін з сяброў Міколы Селяшчука мастак Ўладзімер Тоўсьцік. Ён называе спадара Селяшчука буйным майстрам, вялікім творцам: “Душа чалавека часоў зьмен рэжыму, катаклізмаў, злому Савецкага Саюза... Ён вельмі быў такі чульлівы. І нават у лірычных творах гэта адчуваецца. Ёсьць лірычныя творы, якія ўсё роўна носяць нейкае сацыяльнае адценьне ў раньняй творчасьці. А ў больш позьнім пэрыядзе такі, ведаеце, казачна-фантастычны. Гэта мастак. Ён мае пэрыяды свайго сталеньня. Ён розны”. Мастацкі музэй мае 12 жывапісных твораў Селяшчука, значная колькасьць знаходзіцца ў іншых музэях, і прыватных калекцыях, у тым ліку замежных. Цяпер будуць весьціся перамовы, каб са збору саюза мастакоў яго творы перайшлі ў музэй. “Мастак заўжды зь вялікімі гонарам і задавальненьнем падкрэсьліваў свае вельмі цёплыя і шчырыя адносіны да беларускай спадчыны, надаючы ёй сучаснае мэтафарычнае, сымбалічнае прачытаньне, -- гаворыцца ў прэсавым рэлізе мастацкага музэю. -- Сама асоба майстра здавалася таямнічай і загадкавай. І стала ўспрымацца яшчэ больш загадкавай пасьля яго трагічнай сьмерці падчас падарожжа ў Італію ў 1996 годзе”. Мікола Селяшчук нарадзіўся ў вёсцы Вялікарыта на Берасьцейшчыне. Там жыве ягоная 88-гадовая маці Анастасія Селяшчук. Яна таксама была на выставе: “Задумаў быць мастаком. Адзін раз няма Колі, хмара такая, дождж, маланкі, скаціна папрыходзіла. Няма Колі. Я яго ўсюды шукаю. Няма. Прыходжу дадому, прыходзіць ён. Дзе ж ты быў. Кажа, мастак там быў і я каля яго. Ён любіў гэта”. -- А які ваш любімы твор сына? “У мяне ўсе любімыя, бо такое дзіця добрае. Як ён добры быў, ніхто не скажа на яго ні кроплі”. Алесь Дашчынскі, Менск Фота: dash10110001.JPG Маці Міколы Селяшчука dash10110013.JPG Уладзімер Савіч каля адной з любімых прац М.Селяшчука “Нацюрморт”. Уладзімер Савіч кажа, што ў ягонай калекцыі няма ніводнага твора Міколы Селяшчука, а “Нацюрморт” – гэта проста шэдэўр. dash10110015.JPGЗлашчасны адвячорак. dash10110018.JPG Адзін з улюблёных сымбаляў мастака – дарога. dash10110030.JPG У.Тоўсьцк на выставе (першы зьлева). Колькі грошай можа каштаваць карціна Селяшчука? Спадар Тоўсьцік палічыў гэта пытаньне нетактоўным. палічыў нетактоўным пытаньнем. dash10110021.JPG Ілюстрацыі да зборніка беларускіх казак “Бацькаў дар” |
Дадаць дакумент у свой блог ці на сайт
Падобныя:
 | Сёньня ў Менску адкрылася выстава, прысьвечаная 60-годзьдзю вядомага беларускага мастака Міколы Селешчука. На ёй пабываў наш карэспандэнт... |  | Мікола Гусоўскі (1470-1533?), беларускі паэт-гуманіст І асветнік эпохі Адраджэння, прадстаўнік новалацінскай усходнеэўрапейскай школы,... |
| Мікола Шарах. 49 год. Нарадзіўся І жыве ў Полацку. Жанаты, трое дзяцей. Сябра Кансэрватыўна-хрысціянскай партыі бнф. Хобі: падарожжы,... | | Першая ў гісторыі нацыянальнай літаратуры песня пра нас ( Мікола Гусоўскі “Песня пра зубра”) |
| | Мабыць, хутка зажаўцее лісце, І ў неба засумуе стары дуб. Стары дуб быў калісьці ля нашае хаты, у дзяцінстве | |
| Да найясьнейшай уладаркі І панны боны з ласкі божай каралевы польшчы, вялікай княгіні літвы, русі, прусіі І інш. Панны | | Мэта першага ўрока: дапамагчы вучням адчуць настрой эмацыянальнай прыўзнятасці ад пачуцця першага кахання, які застаецца ў апавяданні... |
| Беларускага дзяржаўнага педагагічнага ўніверсітэта імя М. Танка, старшыня тэрміналагічнай камісіі тбм імя Ф. Скарыны Язэп Стэпановіч,... | | Маска-персанаж цыгана была самай распаўсюджанай на тэрыторыі Беларусі [5, с. 29] І амаль круглы год удзельнічала ў святах аграрнага... |