Колькі каштуе вышэйшая адукацыя?




НазваКолькі каштуе вышэйшая адукацыя?
Дата канвертавання27.11.2012
Памер33.08 Kb.
ТыпВопрос
Stud0903


Колькі каштуе вышэйшая адукацыя? Чаму колькасьць так званых “платнікаў” у дзяржаўных ВНУ штогод значна павялічваецца за кошт скарачэньня бюджэтных месцаў? Пра гэта – у досьледзе Іны Студзінскай.


Сёлета конкурс самы вялікі конкурс быў у БДУ на спэцыяльнасьць “псыхалёгія” – 13 чалавек на месца, на міжнародныя адносіны – больш за 11 чалавек. На міжнародныя адносіны на бюджэт набралі 138 чалавек, на платнае аддзяленьне – 415. На гуманітарны факультэт, дзе спэцыялізацыі -- папулярныя зараз псыхалёгія, дызайн – на бюджэт набралі 50 чалавек, на платнае аддзяленьне – 404. Сёлета, да прыкладу, колькасьць бюджэтных месцаў скарацілася на 700, хаця ў Законе аб адукацыі чорным па беламу напісана: “забараняецца зьмяншаць колькасьць бюджэтных месцаў за кошт павелічэньня платных месцаў”.


Відавочна: вышэйшая адукацыя паступова становіцца платнай. Прычым, кошты кожны год павялічваюцца. Летась навучаньне на прэстыжных спэцыяльнасьцях у БДУ (правазнаўства, мэнэджмэнт, міжнародныя адносіны, дызайн, мытная справа) каштавала 3 мільёны 225 тысяч рублёў (прыкладна паўтары тысячы даляраў), сёлета -- ужо даражэй, кажа начальнік Упраўленьня вучэбнай і навукова-мэтадычнай працы БДУ Людміла Хухлындзіна:


“Кошты павялічваюцца ў межах інфляцыі. Плюс паўтара адсоткі інфляцыя – у гэтых межах мяняецца ўсё. І па першым курсе невялікае павелічэньне – на 45 – 50 тысяч”.


Чаму навучаньне на юрфаку, міжнародным факультэце амаль у два разы вышэй за фізычны ці хімічны факультэт, дзе, здавалася б, сучаснае дарагое абсталяваньне? Тлумачыць Людміла Хухлындзіна:


“Кошт навучаньня вызначаецца ня толькі коштам абсталяваньня, але і попытам і запатрабаванасьцю. На міжнародным факультэце, да прыкладу, выдаткі вельмі высокія, таму што там шмат замежных моваў, група павінна быць 10-11 чалавек”.


Карэспандэнтка: “А юрыдычны факультэт чаму такі дарагі?”


Хухлындзіна: “Тое самае. Попыт нараджае прапанову”.


Колькі каштуе навучаньне ў Акадэміі кіраваньня пры прэзыдэнце, ад галоўнай бухгальтаркі ўстановы даведацца было вельмі складана:


“Мы такія зьвесткі прадастаўляем толькі тым, хто вучыцца. Навошта я буду разгалошваць такую інфармацыю? Тыя, хто навучаюцца – тыя ведаюць, ім даюць падпісаць дадатковае пагадненьне. А так, на ўсю рэспубліку расказваць пра кошты...”


Зь іншых дасьведчаных крыніц мы даведаліся, што за дзённае навучаньне o сэмэстар сёлета студэнтам давядзецца плаціць 2 мільёны 846 тысяч (1400 даляраў), слухачам 2 мільёны 316 тысяч (1100 даляраў), гэта прыкладна на 100 даляраў даражэй, чым летась.


У лідэрах па коштах Менскі дзяржаўны мэдычны ўнівэрсытэт: на лячэбным факультэце дзённае навучаньне абыдзецца ў 2 тысячы даляраў, на стаматалягічным – у 2,5 тысячы даляраў. Прычым, на платную форму навучаньня набіраюць ў 2,5 – 3 разы больш, чым на бясплатную.


Што да коштаў у недзяржаўных ВНУ, яны крыху ніжэйшыя, чым у дзяржаўных. Кажа бухгальтарка Беларускага інстытуту правазнаўства:


“Правазнаўства – 2 мільёны 428 тысяч рублёў у год, міжнароднае права – 2 мільёны 838 тысяч, бухгальтарскі ўлік – 2 мільёны 214 тысяч”.


Для параўнаньня: у БДУ навучаньне на юрфаку каштуе на 1 мільён больш.


У Інстытуце сучасных ведаў навучаньне каштуе прыкладна 700 даляраў у год, сёлета плата вырасла нязначна, даляраў на 15 – 20. У Інстытуце кіраваньня і прадпрымальніцтва паведамілі наступнае:


“Пакуль 800, але ня выключана, што будзе 1 тысяча ўмоўных адзінак – дзённая форма навучаньня, завочная – 500, але будзе 550. З кастрычніка падвысіцца кошт. Ва ўсіх ВНУ вышэй кошты, чым у нас. Таму навошта працаваць сабе на страту? Зараз нашы фінансісты, эканамісты лічаць, каб не “зашкалівала”.


І толькі ў Інстытуце парлямэнтарызму і прадпрымальніцтва сказалі:


“750 даляраў у год дзённае навучаньне і 460 даляраў – завочнае. Кошты не памяняліся”.


З кожным годам колькасьць бюджэтных месцаў у ВНУ няўмольна памяншаецца за кошт платных. Цэны на адукацыю ў дзяржаўных ВНУ растуць значна істотней за недзяржаўныя. Між тым, артыкулам 49 Канстытуцыі Рэспублікі Беларусь замацаванае права кожнага грамадзяніна на даступнасьць і бясплатнасьць адукацыі.


Гутару са старшынём Пастаяннай камісіі па адукацыі, культуры, навуцы Палаты прадстаўнікоў Уладзімерам Здановічам:


Карэспандэнтка: “Прапорцыя, суадносіны бюджэтных месцаў да платных – яна павінна захоўвацца?”


Здановіч: “Вось гэта нідзе ў законе не прапісана. Я над гэтым вельмі часта задумваюся: ці патрэбная нам такая колькасьць студэнтаў платнай формы навучаньня? Іх колькасьць павялічваецца. Сказаць, да прыкладу, што няхай будзе 50 на 50, і замацаваць гэта заканадаўча – гэта таксама будзе дрэнна, бо мы звузім правы нашай моладзі на доступ да навучаньня. Бо калі ёсьць грошы, ёсьць жаданьне вучыцца – вучыся на здароўе”.

Дадаць дакумент у свой блог ці на сайт

Падобныя:

Колькі каштуе вышэйшая адукацыя? iconКолькі каштуе вышэйшая адукацыя?
Колькі каштуе вышэйшая адукацыя? Чаму колькасьць так званых “платнікаў” у дзяржаўных вну штогод значна павялічваецца за кошт скарачэньня...

Колькі каштуе вышэйшая адукацыя? iconУсходнееўрапейская школа палітычных даследаванняў
Адукацыя (сярэдняя/вышэйшая, назва навучальнай установы, спецыяльнасць, год сканчэння)

Колькі каштуе вышэйшая адукацыя? iconДыягнаставанне аўтамабіляў. Практыкум: вучэб дапаможнік / А. Н. Карташэвіч. Мн.: Новае веданне; М.: Инфра-м, 2011. 2008 с. (Вышэйшая адукацыя)

Колькі каштуе вышэйшая адукацыя? iconУсходнееўрапейская школа палітычных даследаванняў
Адукацыя (сярэдняя/вышэйшая, назва навучальнай установы, спецыяльнасць, год сканчэння)

Колькі каштуе вышэйшая адукацыя? iconКолькі каштуе беражлівасьць па-беларуску?
...

Колькі каштуе вышэйшая адукацыя? iconУсходнееўрапейская школа палітычных навук ушпн
Адукацыя (сярэдняя, вышэйшая, назва навучальнай установы, спецыяльнасць, года заканчэння)

Колькі каштуе вышэйшая адукацыя? iconЛаздоўская Валянціна Зігмундаўна
Адукацыя вышэйшая. У 1989 годзе закончыла Беларускі дзяржаўны універсітэт. Педстаж 30 гадоў, на пасадзе дырэктара – 5 гады

Колькі каштуе вышэйшая адукацыя? iconБеларуская вышэйшая адукацыя. Гатоўнасць да ўключэння ў Еўрапейскую прастору вышэйшай адукацыі. Альтэрнатыўны даклад
Б) механізмы кіравання сістэмай (асноўныя органы кіравання, ІХ кампетэнцыі І ўзаемадзеянне)

Колькі каштуе вышэйшая адукацыя? iconВітаміны: неабходнасьць альбо рызыка?
Тэма сёньняшніх начных досьледаў: Якія сродкі падтрыманьня імунітэту, апроч антыбіётыкаў, прапануюць беларускія аптэкі. Колькі гэта...

Колькі каштуе вышэйшая адукацыя? iconСёньня нямала камэнтароў сабрала заява Аляксандра Лукашэнкі пра тое, што Беларусь павінна стаць касьмічнай дзяржавай
Дарагі наш чалавек хоць уяўляе сабе, колькі каштуе будаўніцтва цэнтру кіраваньня палётамі? Дый дзеля чаго?

Размесціце кнопку на сваім сайце:
be.convdocs.org


База данных защищена авторским правом ©be.convdocs.org 2012
звярнуцца да адміністрацыі
be.convdocs.org
Галоўная старонка