ПРАЕКТ
УМОВЫ
правядзення рэспубліканскага конкурсу
сцэнарыяў культурна-дасугавых мерапрыемстваў
для навучэнскай моладзі ”КРЕОН“
ГЛАВА 1
АГУЛЬНЫЯ ПАЛАЖЭННІ
У адпаведнасці з планам асноўных рэспубліканскіх мерапрыемстваў Міністэрства адукацыі Рэспублікі Беларусь на 2011 год і ў мэтах удасканалення выхаваўчай работы ва ўстановах адукацыі, якія забяспечваюць атрыманне прафесійна-тэхнічнай і сярэдняй спецыяльнай адукацыі, захавання і перадачы гісторыка-культурнай спадчыны і народных традыцый, стымулявання творчай актыўнасці арганізатараў дасугу навучэнскай моладзі, павышэння якасці культурна-дасугавых мерапрыемстваў і распаўсюджвання інавацыйнага вопыту праводзіцца рэспубліканскі конкурс сцэнарыяў культурна-дасугавых мерапрыемстваў для навучэнскай моладзі ”КРЕОН“ (далей – конкурс).
Дэвіз конкурсу – ”Шануем гісторыю і традыцыі краіны – упэўнена крочым у будучыню!“.
ГЛАВА 2
АРГАНІЗАТАРЫ КОНКУРСУ
Арганізатарамі конкурсу з’яўляюцца Міністэрства адукацыі Рэспублікі Беларусь і Установа адукацыі ”Нацыянальны цэнтр мастацкай творчасці дзяцей і моладзі“ Міністэрства адукацыі Рэспублікі Беларусь.
ГЛАВА 3
УДЗЕЛЬНІКІ КОНКУРСУ
У конкурсе прымаюць удзел спецыялісты, якія забяспечваюць арганізацыю культурна-дасугавай дзейнасці з навучэнскай моладдзю – індывідуальныя аўтары і аўтарскія калектывы.
ГЛАВА 4
ПАРАДАК ПРАВЯДЗЕННЯ І ЗМЕСТ КОНКУРСУ
Конкурс праводзіцца ў два этапы па наступных намінацыях:
”Малой радзімы даўнія падзеі і спадчына культурнага жыцця“,
”Цудоўны вянок абрадаў і святаў роднай зямлі беларускай“,
”Адвечныя традыцыі і звычаі продкаў у лёсе маёй сям’і“,
”Вытокі творчасці нашчадкаў у скарбніцы народнай“.
Першы этап конкурсу праходзіць у вобласцях і г.Мінску з лістапада па снежань 2010 года. Для арганізацыі і правядзення першага этапа конкурсу ўпраўленні адукацыі аблвыканкамаў і камітэт па адукацыі Мінгарвыканкама фарміруюць рэгіянальныя журы, якія ацэньваюць прадстаўленныя работы і ажыццяўляюць адбор сцэнарыяў у адпаведнасці з намінацыямі (дадатак 1). Ад кожнай вобласці і г.Мінска для ўдзелу ў другім этапе конкурсу прадстаўляецца па 12 работ.
Удзельнікі першага этапа конкурсу прадстаўляюць ва ўпраўленні адукацыі аблвыканкамаў, камітэт па адукацыі Мінгарвыканкама, раней не апублікаваныя сцэнарыі культурна-дасугавых мерапрыемстваў наступных формаў:
інфармацыйна-культурная праграма (экскурсія, вандроўка, вечар-расказ, вечар-сустрэча, вусны альманах);
конкурсна-пазнавальная праграма (віктарына, конкурсна-гульнёвая праграма, тэатралізаваны конкурс);
святочная праграма (культурна-дасугавае мерапрыемства, створанае на падставе знакавых гісторыка-культурных падзей рэгіёна, мясцовых традыцый, абрадаў беларускага земляробчага ці сямейна-родавага календара).
Пераможцы першага і другога этапаў конкурсу вызначаюцца па наступных крытэрыях:
выхаваўчы патэнцыял сцэнарыя дасугавага мерапрыемства;
выкарыстанне культурна-гістарычнай спадчыны і народных традыцый регіёна;
адпаведнасць зместу сцэнарыя асаблівасцям мэтавай аўдыторыі;
навізна творчай задумы сцэнарыя;
кампазіцыйная цэласнасць сцэнарыя;
мастацкі ўзровень і стылістычнае адзінства літаратурнага матэрыялу;
прыёмы актывізацыі мэтавай аўдыторыі.
Конкурсныя работы павінны быць выкананы ў адпаведнасці з патрабаваннямі (дадтак 2).
Другі этап конкурсу праводзіцца ў г.Мінску ў студзені 2011 года. Для ўдзелу ў другім этапе конкурсу ўпраўленнямі адукацыі аблвыканкамаў і камітэтам па адукацыі Мінгарвыканкама да 20 студзеня 2011 года конкурсныя работы пераможцаў першага этапу накіроўваюцца на адрас: 220007, г.Мінск, вул.Фабрыцыуса, 5, Установа адукацыі ”Нацыянальны цэнтр мастацкай творчасці дзяцей і моладзі“ ці на адрас электроннай пошты: nchtdm@mail.ru (з паметкай ”КРЕОН“).
Рэспубліканскае журы аценьвае прадстаўленыя сцэнарныя работы і вызначае пераможцаў конкурсу на лепшую інфармацыйна-культурную, конкурсна-пазнавальную і святочную праграмы ў кожнай намінацыі.
Работы, якія прадстаўлены на конкурс, не рэдагуюцца і аўтарам не вяртаюцца.
ГЛАВА 5
ПАДВЯДЗЕННЕ ВЫНІКАЎ КОНКУРСУ
Пераможцы і прызёры другога этапа конкурсу ў намінацыях узнагароджваюцца дыпломамі Міністэрства адукацыі Рэспублікі Беларусь.
Удзельнікі другога этапа конкурсу ўзнагароджваюцца прызамі, якія прадастаўляюцца ўстановамі і іншымі арганізацыямі, зацікаўленымі ў правядзенні конкурсу.
Па выніках правядзення конкурсу адбудзецца выданне зборніка метадычных рэкамендацый і сцэнарных распрацовак у дапамогу арганізатарам дасугу навучэнскай моладзі.
ГЛАВА 6
ФІНАНСАВАННЕ КОНКУРСУ
Фінансаванне другога этапа конкурсу ажыццяўляецца Міністэрствам адукацыі Рэспублікі Беларусь за кошт сродкаў рэспубліканскага бюджэту, якія выдзелены на правядзенне цэнтралізаваных мерапрыемстваў.
Дадатак 1
да пісьма Міністэрства
адукацыі Рэспублікі
Беларусь
________№___________
Намінацыі
сцэнарыяў культурна-дасугавых мерапрыемстваў для навучэнскай моладзі ”КРЕОН“
| Пераможца I месца
| Прызёр
II месца
|
Прызёр
III месца
|
”Малой радзімы даўнія падзеі і спадчына культурнага жыцця“
|
інфармацыйна-культурная праграма
|
1
|
1
|
1
|
конкурсна-пазнавальная праграма
|
1
|
1
|
1
|
святочная праграма
|
1
|
1
|
1
|
”Цудоўны вянок абрадаў і святаў роднай зямлі беларускай“
|
інфармацыйна-культурная праграма
|
1
|
1
|
1
|
конкурсна-пазнавальная праграма
|
1
|
1
|
1
|
святочная праграма
|
1
|
1
|
1
|
”Адвечныя традыцыі і звычаі продкаў у лёсе маёй сям’і“
|
інфармацыйна-культурная праграма
|
1
|
1
|
1
|
конкурсна-пазнавальная праграма
|
1
|
1
|
1
|
святочная праграма
|
1
|
1
|
1
|
”Вытокі творчасці нашчадкаў у скарбніцы народнай“
|
інфармацыйна-культурная праграма
|
1
|
1
|
1
|
конкурсна-пазнавальная праграма
|
1
|
1
|
1
|
святочная праграма
|
1
|
1
|
1
|
Дадатак 2
да пісьма Міністэрства
адукацыі Рэспублікі
Беларусь
________№___________
Патрабаванні
да афармлення конкурснай сцэнарный работы
Тэкст сцэнарыя выконваецца на рускай або беларускай мове, у камп’ютарным наборы ў адпаведнасці са стандартнымі патрабаваннямі фармаціравання, размяшчаецца на адной старане ліста фармата А-4.
Старонкі сцэнарыя пранумароўваюцца.
Выбар шрыфта:
асноўны шрыфт – 14, дапаможны - 12;
выкарыстоўваецца не больш за 3 віда шрыфтаў;
загалоўкі афармляюцца аднолькава і яны не павінны падаўляць сваім памерам астатні тэкст на старонцы.
Структура сцэнарыя:
Тытульны ліст змяшчае: найменне ўстановы, назву сцэнарыя культурна-дасугавага мерапрыемства і форму яго правядзення, поўнае прозвішча, імя, імя па бацьку аўтара-складальніка (або групы аўтараў), пасаду ў навучальнай установе і нумары кантактных тэлефонаў.
У ніжняй частцы тытульнага ліста пазначаны горад і год стварэння пэўнай сценарнай работы.
Анатацыя на сцэнарый – кароткі тэкст, дзе пазначаны актуальнасць выбара тэмы і формы, творчай задумы сцэнарыя, выхаваўчы патэнцыял мерапрыемства.
Аб’ём тэкста анатацыі – 1/2 ліста фармата А-4.
Тэкст сцэнарыя з указаннем аўтараў, выкарыстаных музычных і літаратурных твораў, а таксама тэкставых рэмарак, якія адлюстроўваюць рэжысёрскае бачанне сцэнарыя.
Спіс літаратуры (запіс у адпаведнасці з бібліяграфічнымі патрабаваннямі).
Да ўдзелу ў конкурсе сцэнарый неабходна прадставіць у 2-х варыянтах: электронным варыянце на CD і друкаваным – на паперы.
Агульны аб’ём сцэнарнай работы – да 14 друкаваных старонак (тытульны ліст, анатацыя, тэкст сцэнарыя, пералік літаратуры).
|
