Вул. Савецкая 11, Менск, 220010




НазваВул. Савецкая 11, Менск, 220010
Дата канвертавання02.05.2013
Памер50.34 Kb.
ТыпДокументы
15.08.2008 - №3/ЦВК-я

Старшыні ЦВК РБ,

Лідзіі Ярмошынай,

Вул. Савецкая 11, Менск, 220010

Назіральніка ў Жодзінскай акруговай

№66 выбарчай камісыі,

грамадзяніна РБ,

Аляксея Лапіцкага,

Вул. 50 год Кастрычніку 8А-30,

т.3-49-70


ПАВАЖАНАЯ ЛІДЗІЯ ЯРМОШЫНА,


я як грамадзянін Беларусі, прэтындэнт ад групы грамадзянаў (108 жыхароў горада Жодзіна) у Жодзінскую Акруговую выбарчую камісыю №66, стаўлю Вас у вядомасьць, што дзеяньнямі адказных асобаў Менаблвыканкаму мае правы і правы дадзенай групы грамадзянаў (што мяне вылучала) былі парушаныя. У выніку гэтага, мая кандыдатура – не разглядалася на адпаведным арганізацыйным супольным паседжаньні Менскага аблвыканкаму й Прэзыдыюму Менаблсавету дэпутатаў 14 ліпеня 2008 года, на якім праводзілася працэдура па зацьверджаньні складу акруговых камісыяў, у тым ліку й Жодзінскай АВК №66, у склад якой грамадзянамі скіроўвалася мая кандыдатура.


Неабходная для гэтага калектыўная заява з подпісамі 108 грамадзянаў 07.07.2008г. была скіраваная мною непасрэдна ў адзначаныя вышэй ворганы, што фармавалі склад АВК па Менскай вобласьці, замоўным паштовым адпраўленьнем з адпаведным апавяшчэньнем аб дастаўцы. Гэты дакумэнт быў дастаўлены па прызначэньні 09.07.2008г., а адваротнае пацьверджаньне аб дастаўцы скіраванае абратна поштаю мне як заяўніку ўжо 11.08.2008г.

(гл. дадатак №2).


Аднак, на мой пратэст аб парушэньні дэмакратычнай працэдуры на паседжаньні Менаблвыканкаму 14.07.2008г. па вызначэньні складу Жодзінскай АВК №66 я атрымаў даволі дзіўны адказ за №302-740 ад 06.08.2008г. ад начальніка Галоўнага арганізацыйна-кадравага ўпраўленьня гэтае дзяржаўнае ўстановы выканаўчае ўлады, Амельянчука М.М. У ім дадзеная высокапастаўленая службовая асоба, якая нясе адпаведныя службовыя абавязкі й мусіць строга выконваць палажэньні ВК РБ і дзейснага заканадаўства ўчасе арганізацыі і правядзеньня любых выбарчых працэдураў, тлумачыць гэта тым, што мая заява была быццам бы атрыманая ў Менаблвыканкаме 12.07.2008г., то бок, пазьней за ўстаноўлены ВК РБ тэрмін (11.07.2008г.) і менавіта з-за гэтага – не разглядалася на адпаведным паседжаньні 14.07.2008г. Пры гэтым, адказ Амельянчука М.М. ад 06.08.2008г. без праблемаў дастаўлены ў Жодзіна і трапіў мне ужо 07.08.2008г. – напрацягу 1 календарных сутак (!?). Якой “фантазыяй” трэба валодаць, каб прадставіць сытуацыю так, быццам мой ліст, адпраўлены 07.07.200г. быў атрыманы ў Менску толькі 12.07.2008г. – аж праз 5 календарных сутак !?


Відавочна, што дадзеная матывацыя майго неўключэньня ў склад Жодзінскай АВК №66 ёсьць элемэнтарнай падтасоўкаю фактаў і мэтанакіраванай маніпуляцыяй дакумэнтамі выбарчага зьместу ўчасе фармаваньня Жодзінскай АВК№66, у выніку чаго мая кандыдатура не была вынесена на разгляд адпаведнага паседжаньня Менаблвыканкаму, па ёй зусім не прымалася належнага рашэньня і яна, такім чынам, не ўвайшла ў скалад Жодзінскай акруговай камісыі №66.


У сувязі з гэтым, мною канстатуецца наяўнасьць шэрагу грубейшых парушэньняў палажэньняў ВК РБ і дзейснага заканадаўства краіны з боку адказных службовых асобаў выканаўчае ўлады, у выніку чаго парушаныя мае правы, правы іншых грамадзянаў-выбарнікаў, правы прэтындэнткі на выбарах у дэпутаты ПП НС РБ чацьвёртага скліканьня, Сьвятланы Лапіцкай (ПБНФ, г.Жодзіна), якая разглядала вынікі адзначанага вышэй паседжаньня Менаблвыканкаму 14.07.2008г. у дачыненьні да маёй кандыдатуры, як вызначальны фактар пры вырашэньні пытаньня аб сваім удзеле-няўдзеле ў выбарчай кампраніі 2008г.

Бо ўваход у склад АВК прынцыповай і незалежнай, здольнай уплываць на ход абмеркаваньня і прыняцьця рашэньня асобы, мог бы быць сыгналам аб рэальным рашэньні ўладаў праводзіць дэмакратызацыю існуючай, цалкам зарэгуляванай і незбалансаванай, закрытай сыстэмы падпарадкаваных “вэртыкалі” выбарчых структураў (камісыяў, групаў, штабоў…), якая не дазваляе казаць пра магчымасьць свабоднага й дэмакратычнага выбару ў Беларусі.


Такім чынам, адзначаныя мною парушэньні грамадзянскіх і выбарчых правоў сталі вынікам неправамерных дзеяньняў чыноўнікаў, адказных за арганізацыю і правядзеньне выбарчае кампаніі ў Менскай вобласьці, якія альбо санкцыявалі злачынствы, альбо самі сталі непасрэднымі выканаўцамі злачыннага загаду й дапусьцілі відавочныя правапарушэньні ВК РБ і міжнародных стандартаў права з мэтаю недапушчэньня незалежнага прадстаўніка да працы ў Жодзінскай АВК №66 на выбарах у ПП НС РБ 2008 года.

Але структуры, якія забясьпечваюць выбары ў краіне, павінны быць максымальна нэўтральнымі ці палітычна ўраўнаважанымі, а не “адзінагалосна заангажаванымі” у межах “афіцыйнай ідэалёгіі” і ўкарысьць кіруючага рэжыму, што вядзе да разнастайных парушэньняў і грубейшых безпакараных маніпуляцыяў выбарчымі дакумэнтамі, парушэньнем выбарчых правоў грамадзянаў – у выніку.

Падобная сыстэма – ужо ня здольная забясьпечваць выбарчы працэс.

У такіх умовах яна заканамерна губляе давер самай актыўнай і творчай часткі грамадзтва. А палітычныя суб’екты выціскаюцца з палітычнага поля, падмяняюцца “правільнымі” квазіграмадзкімі і ідэалягічным ўтварэньнямі, пачынае дзейнічаць неабвешчаная, але прысутная скрозь ва ўладзе “партыя сучаснай кіруючай намэнклятуры” (“партыя ўлады”), што прыводзіць да палітычнай апатыі, застою і небясьпечных крызысных зьяваў у грамадзтве.


У сувязі з выкладзеным, ПРАШУ Вас:

1) правесьці належнае дасьледваньне ўказаных фактаў і ў межах сваёй кампэтэнцыі –

прыняць належныя меры да правапарушальнікаў, з улікам, верагодна, неабходнага ініцыятыўнага звароту ў пракуратуру;

2) прыняць неабходныя захады да:

- узнаўленьня правоў і

- кампэнсацыі стратаў пацярпелым ад неправамерных дзеяньняў чыноўнікаў;

3) прызнаць факт наяўнасьці грубага парушэньня ВК РБ адказнымі чыноўнікамі Менаблвыканкаму – праз цэнтральныя й мясцовыя СМІ прынесьці публічныя прабачэньні пацярпелым за неправамернае пазбаўленьне іх выбарчых правоў, права на роўны (пазбаўлены дыскрымінацыі любога роду) удзел у выбарчых працэдурах …;

4) прыняць меры для прадухіленьня будучых маніпуляцыяў выбарчымі дакумэнтамі й фактамі, дыскрымінацыі правоў апанэнтаў дзейснае ўлады па палітычных ці іншых матывах (моўных, нацыянальных, сацыяльных …), а таксама перавышэньня службовых паўнамоцтваў прадстаўнікамі выканаўчае ўлады, чые функцыянэры й сёньня працягваюць прыймаць актыўны ўдзел у працы:

- выбарчых камісыяў усіх узроўняў,

- паралельна працуючых працоўных групаў і

- гарадзкіх штабоў па правядзеньні выбараў у ПП НС РБ 4-га скліканьня,

- вышэйшых наглядальна-кіруючых ворганаў па непасрэднай каардынацыі дзейнасьці ўсіх папярэдніх структураў у рэгіёнах учасе распачатага ўжо, так званага, “паказальна дэмакратычнага, адкрытага і празрыстага” выбарчага працэсу ...


Нагадаю, паміж іншым, адразу, што адзначаныя тры апошнія ўтварэньні (пра магчымасьць паралельнае дзейнасьці якіх у катэгарычна нэгатыўнай форме публічна ўзгадваў галава краіны па тэлебачаньні, зьвяртаючыся пры гэтым да абсалютнай адказнасьці кіраўніцтва ЦВК) – аніякім чынам не ўпісваюцца ў вызначаную ВК РБ узначальваемую ЦВК структуру выбарчых камісыяў, пра якую, як адзіна магчымую й паўнамоцна-легітымную ўчасе выбараў, сапраўды, магла б ісьці размова ...


Дадаткова ПРАШУ Вас, даць адказ па сутнасьці пастаўленых канкрэтных пытаньняў з улікам патрабаваньняў міжнародных стандартаў права, ВК РБ і Канстытуцыі РБ, дзейснага заканадаўства,

а таксама – на мове звароту, па-беларуску.


У дадатку на 1 стар.:


1) Фотакопія адказу начальніка Галоўнага ўпраўленьня арганізацыйна-кадравай працы Менаблвыканкаму Амельянчука М.М. і дакумэнту аб сваечасовым атрыманьні дадзенага адпраўленьня ў Менаблвыканкаме з наступным апавяшчэньнем заяўніка.


_______________________Аляксей Лапіцкі,

Жодзіна.

Дадаць дакумент у свой блог ці на сайт

Падобныя:

Вул. Савецкая 11, Менск, 220010 iconВул. Савецкая 11, Менск, 220010
Вас у вядомасьць, што я як назіральнік у Жодзінскай авк №66, а таксама як грамадзянін рб, жыхар горада Жодзіна, меў інцыдэнт пры...

Вул. Савецкая 11, Менск, 220010 iconУ парлямэнт Рэспублікі Беларусь, вул. Савецкая 11, 220030, Менск; вул. Краснаармейская 4, 220016, Менск
Рб (Палаты Прадстаўнікоў І рады Рэспублікі), як прадстаўнікоў Заканадаўчае ўлады ў краіне для прывядзеньня палажэньняў дзейснай Канстытуцыі...

Вул. Савецкая 11, Менск, 220010 iconПрэм’ер-міністру Рэспублікі Беларусь вул. Савецкая, 11 220010, г. Мінск Шаноўны Сяргей Сяргеевіч
Беларускую эканоміку ахапіў фінансава-эканамічны крызыс. Усе групы грамадзтва ў трывозе за будучыню свайго дабрабыту й пэрспэктывы...

Вул. Савецкая 11, Менск, 220010 iconСавет міністраў Рэспублікі Беларусь 220010, г. Мінск, вул. Савецкая, 11
Беларусь ажыццяўляецца распрацоўка праекта Закона Рэспублікі Беларусь „Аб некамерцыйных арганізацыях“. Новы заканадаўчы акт закране...

Вул. Савецкая 11, Менск, 220010 iconСавет міністраў Рэспублікі Беларусь 220010, г. Мінск, вул. Савецкая, 11
Беларусь ажыццяўляецца распрацоўка праекта Закона Рэспублікі Беларусь «Аб некамерцыйных арганізацыях». Новы заканадаўчы акт закране...

Вул. Савецкая 11, Менск, 220010 iconПерелік автобусних маршрутів (рейсів) загального користування
Мануїльського (зупинка: вул. Мануїльського) – вул. Політкаторжан (зупинка: На вимогу) – вул. Київська – вул. Самарська (зупинка:...

Вул. Савецкая 11, Менск, 220010 iconФорма №1 Додаток до рішення ХХІ сесії Балаклійської міської ради
Об’єкт: «Капітальний ремонт мереж зовнішнього освітлення вулиць м. Балаклія за адресами: вул. 40 років Перемоги, вул. Жовтнева, вул....

Вул. Савецкая 11, Менск, 220010 iconУкраїна харківська область балаклійська міська рада
Перемоги, вул. Жовтнева, вул. Леніна, вул. Перемоги, вул. Кірова, вул. Новоселівка

Вул. Савецкая 11, Менск, 220010 iconАдреса дільничної виборчої комісії
Рівне – вул. Князя Острозького: 2–4/6, 22; вул. Корольова: 5; вул. Соборна: 420–448

Вул. Савецкая 11, Менск, 220010 iconЗьміцер Падбярэскі, Менск
А вось карыстальнік пад псэўданімам Прахожы сярэдніх гадоў зьвяртаецца да Аляксандра Мілінкевіча з прапановай: “Заходзьце да нас...

Размесціце кнопку на сваім сайце:
be.convdocs.org


База данных защищена авторским правом ©be.convdocs.org 2012
звярнуцца да адміністрацыі
be.convdocs.org
Галоўная старонка